MNADHIMU MKUU WA JWTZ,BALOZI WA TANZANIA KUWAIT,KATIBU TAWALA WA KATAVI NA MWANZA WAAPISHWA RASMI NA RAIS WA JAMHURI WA TANZANIA DKT JOHN JOSEPH POMBE MAGUFULI.

  Rais wa Jamhuri ya Muungano wa Tanzania Dkt. John Pombe Joseph Magufuli akimuapisha Kamishna wa Polisi Clodwig Mathew Mtweve  kuwa Katibu Tawala wa Mkoa wa Mwanza  Ikulu jijini Dar es salaam leo January 30, 2016

 Rais wa Jamhuri ya Muungano wa Tanzania Dkt. John Pombe Joseph Magufuli akimuapisha Dkt. Mahadhi Juma Maalim kuwa Balozi wa Tanzania  Ikulu jijini Dar es salaam leo January 30, 2016

  Rais wa Jamhuri ya Muungano wa Tanzania Dkt. John Pombe Joseph Magufuli akimuapisha Kamishna wa Polisi Paul Amani Moses Chagonja kuwa Katibu Tawala wa Mkoa wa Katavi

Rais wa Jamhuri ya Muungano wa Tanzania Dkt. John Pombe Joseph Magufuli akimuapisha  Luteni Jenerali Venance Salvatory  Mabeyo  kuwa Mnadhimu Mkuu wa JWTZ  Ikulu jijini Dar es salaam

 Rais wa Jamhuri ya Muungano wa Tanzania Dkt. John Pombe Joseph Magufuli  na viongozi wa Jeshi la Wananchi na Jeshi la Polisi  katika picha ya pamoja baada ya kuapishwa Mnadimu Mkuu wa TPDF, Balozi wa Tanzania Kuwait na  Katibu Tawala wa Mikoa ya Katavi na Mwanza Ikulu jijini Dar es salaam.

WAZIRI WA UJENZI, UCHUKUZI NA MAWASILIANO PROFESA MAKAME MBARAWA AKAGUA ATHARI ZA BARABARA MORO – DODOMA.

 Meneja wa Wakala wa Barabara (TANROADS), mkoa wa Morogoro Eng. Dorothy Ntenga akimuonesha Waziri wa Ujenzi, Uchukuzi na Mawasiliano Profesa Makame Mbarawa namna maji yanavyopiga kingo za daraja la Dumila wakati Waziri huyo akikagua ujenzi wa kingo mpya zinazojengwa kudhibiti mafuriko hayo.

 Meneja wa Wakala wa Barabara (TANROADS), mkoa wa Dodoma Eng. Leornad Chimagu (kulia),akitoa maelezo kwa Waziri wa Ujenzi, Uchukuzi na Mawasiliano Profesa Makame Mbarawa kuhusu athari za mafuriko katika kingo za barabara ya Gairo-Dodoma eneo la Kibaigwa mkoani Dodoma.

RAIS DK. JOHN POMBE MAGUFULI AWATEUA MAKAMISHNA PAUL CHAGONJA NA CLODWING MTWEVE KUWA MAKATIBU TAWALA MWANZA NA KATAVI.

LHRC YAITAKA SERIKALI KUHESHIMU HAKI YA WATANZANIA KUPATA TAARIFA, YALAANI WABUNGE KUDHALILISHWA NA MBWA WA POLISI

Serikali imetakiwa kuheshimu haki ya kikatiba ya kuwapa wananchi habari na taarifa muhimu zinazowahusu bila ya kujali gharama za taarifa hizo kwa kuwa ni jukumu lake kufanya hivyo.

SERIKALI YA TANZANIA KUAHIDI KUJENGA BARABARA KWA KIWANGO CHA LAMI.

Serikali imeahidi kuendelea na ujenzi wa barabara katika maeneo tofauti nchini kwa kiwango cha lami ili kutatua adha kubwa ya ubovu wa barabara ulipo katika maeneo mengi nchini.

Hayo yamesemwa leo Mjini Dodoma na Naibu Waziri wa Ujenzi,Uchukuzi na Mawasiliano  Mhe. Eng Godwin Ngonyani akijibu maswali ya wabunge waliouliza kuhusu mpango wa serikali kuboresha barabara zilizopo na kujenga mpya ili kukabiliana na adha ya ubovu wa barabara nchini.

WIZARA YA UJENZI, UCHUKUZI NA MAWASILIANO TAARIFA KWA UMMA.

JAMHURI YA MUUNGANO WA TANZANIA

WIZARA YA UJENZI, UCHUKUZI NA MAWASILIANO

TAARIFA KWA UMMA

KUFUNGWA KWA MUDA BARABARA YA MPANDA - KOGA - TABORA

Tunapenda kutoa taarifa kwa Umma kuwa, Barabara ya Mpanda - Koga - Tabora imefungwa kwa muda kutokana na mvua zinazoendelea kunyesha nchini zilizosababisha kufurika kwa mto Koga na kufanya daraja la Koga, lililopo mpakani mwa Mikoa ya Katavi na Tabora kutopitika na hivyo kukata mawasiliano ya barabara katika mikoa hiyo.

Kutokana na kukatika kwa mawasiliano ya barabara kupitia daraja hilo, tunaomba wananchi kusitisha safari kwa kutumia barabara hiyo ili kuepusha madhara yanayoweza kujitokeza hadi hapo barabara hiyo itakapofunguliwa mara tu baada ya maji kupungua katika eneo hilo.

Wizara ya Ujenzi, Uchukuzi na Mawasiliano imechukua hatua hiyo kwa mujibu wa Kifungu cha 41 (1) cha Sheria ya Barabara Na. 13 ya Mwaka 2007 na Kanuni ya 8 (1) ya Kanuni za Usimamizi za Barabara za Mwaka 2009.

Wizara, inaomba radhi kwa usumbufu wowote utakaojitokeza katika kipindi hiki chote.

Imetolewa na:

Eng. Joseph Nyamhanga

KATIBU MKUU (UJENZI)

28/01/2016

TRA YAOMBA USHIRIKIANO KUTOKA KWA WANANCHI.

Mamlaka ya Mapato Tanzania (TRA) yawaomba wananchi kutoa ushirikiano kwa kutoa taarifa za Maafisa wanaofanya kazi kinyume na maadili.

Akiongea na mwandishi wa habari hii leo Jijini Dar es salaam Mkurugenzi wa Huduma na Elimu kwa Mlipa Kodi Richard Kayombo amesema kuwa TRA ina Idara Maalumu ijulikanayo kama Idara ya Mambo ya Ndani ya TRA ambayo inashughulika na kufuatilia maadili ya watumishi wa sekta hiyo nchi nzima.

WATUMISHI WA UMMA WATANGAZIWA KIAMA KWA WALE WATAKAOKIUKA TARATIBU NA SHERIA NA KUPOKEA RUSHWA.

  Kaimu Mkurugenzi Mkuu wa Taasisi ya Kuzuia na Kupambana na Rushwa Nchini (Takukuru), Kamishna Valentino Mlowola akizungumza na wanahabari.

  Kaimu Mkurugenzi Mkuuwa Taasisi ya Kuzuia na Kupambana na Rushwa Nchini (Takukuru), Kamishna Valentino Mlowola (kushoto), akizungumza katika mkutano na waandishi wa habari ofisini jijini Dar es Salaam leo asubuhi kuhusu mikakati mbalimbali ya taasisi hiyo ya kupambana na rushwa nchini hasa kwa watendaji wa Umma na kesi zinazochunguzwa ili watuhumiwa wafikishwe mahakama wakati wowote baada ya kukamilika kwa uchunguzi wake.

TAMKO KUHUSU MWENENDO WA UGONJWA WA KIPINDUPINDU NCHINI LILILOTOLEWA NA MHE. UMMY MWALIMU (MB); WAZIRI WA AFYA, MAENDELEO YA JAMII, JINSIA, WAZEE NA WATOTO, TAREHE 25 JANUARI 2016

Wizara yangu inaendelea kutoa taarifa ya wiki kwa umma kuhusu mwenendo wa ugonjwa wa kipindupindu hapa nchini. Hadi kufikia tarehe 24 Januari 2016, jumla ya watu 14,608 wameugua ugonjwa huo, na kati yao watu 228 wamepoteza maisha kwa ugonjwa huu. Njombe, Ruvuma na Mtwara ndiyo Mikoa pekee ambayo haijawahi kuripoti mgonjwa yoyote wa kipindupindu, tangu mlipuko huu uanze mnamo mwezi Agosti mwaka huu.

Kwa mujibu wa Takwimu za kuanzia tarehe 18 hadi 24 Januari 2016, ni kuwa jumla ya Mikoa ambayo imeripoti kuwa na wagonjwa ni 15 ambapo idadi ya wagonjwa 524 na vifo 10 vimeripotiwa. Idadi ya wagonjwa walioripotiwa wiki hii imepungua ukiliinganisha na idadi ya wiki iliyoishia tarehe 17 ambapo kulikuwa na wagonjwa 621 na vifo 14 ambalo ni punguzo la asilimia (16%). Mkoa wa Morogoro bado umeendelea kuripoti idadi kubwa zaidi ya wagonjwa ukilinganishwa na Mikoa mingine, (Manispaa ya Morogoro 89, Halmashauri ya Morogoro 36, Mvomero 17), ukifuatiwa na mikoa ya Mwanza (Ukerewe 36, Nyamagana 19 na Ilemela 13), Simiyu (Bariadi DC 29 na Bariadi municipal 23), Manyara (Simanjiro 48), Mara (Musoma Manispaa 11, Musoma DC 8, Rorya 8 na Butiama 8), Geita (Geita DC 21 na Geita TC 6)  na Mbeya (Kyela 26).

Mikoa mingine ambayo bado pia imeendelea kuripoti wagonjwa ni pamoja na Dodoma (Wagonjwa 22), Arusha (21), Tabora (18), Singida (18), Lindi (12), Rukwa (7), Kilimanjaro (6) na Kagera (2).

RAIS ATENGUA WA BWANA DICKSON MAIMU MKURUGENZI MKUU WA MAMLAKA YA VITAMBULISHO VYA TAIFA (NIDA).

 Katibu Mkuu Kiongozi, Balozi Ombeni Sefue akifafanua moja ya swali lililoulizwa kutoka kwa mmoja Waandishi wa habari (hayupo pichani) kuhusiana na suala zima la kusimamishwa kwa Mkurugenzi wa NIDA,katika mkutano na waandishi wa habari, uliofanyika Ikulu jijini Dar es Salaam mapema leo, kuhusu uamuzi wa Rais Magufuli kutengua uteuzi wa Mkurugenzi wa NIDA, Dickson Maimu.

SHIRIKISHO LA VYUO VYA ELIMU YA JUU TANZANIA WAMSHUKIA MHE MEMBE KWA MADAI KUWA AMEBEZA JUHUDU ZA RAIS WA AWAMU YA TANO.

 Ally S. Hapi, Katibu Wa Idara,

Elimu, Utafiti Na Uongozi,

SHIRIKISHO LA VYUO VYA ELIMU YA JUU 

TAARIFA KWA VYOMBO VYA HABARI

Ndugu waandishi wa habari, nimewaita hapa kuelezea masikitiko makubwa kutokana na kauli za hivi karibuni za aliyekuwa waziri wa mambo ya nje ndugu Bernard Membe. Akifanya mahojiano na kunukuliwa na gazeti la Mwananchi la tarehe 22 na 23 Januari, 2016 , ndugu Membe amekaririwa akitoa kauli zenye maudhui ya kubeza juhudi za mh. Rais wa jamhuri ya muungano wa Tanzania Dr. John Magufuli na kufutwa kwa uchaguzi wa Zanzibar. Kauli hizi zilijikita katika maeneo makubwa manne kama ifuatavyo:-

BASI LA KAMPUNI YA BM LIMEPATA AJALI KATIKA ENEO LA MIKESE MKOANI MOROGORO CHANZO CHA AJALI HIYO INADAIWA NI MWENDO KASI WA BASI HILO ULIOPELEKEA KUSHINDWA KUSIMAMA.

WATAALAMU DAWASCO WAKIENDELEA NA UKARABATI WA BOMBA LA MAJI MAENEO YA WAZO -TEGETA.

 Kazi ya Kuunganisha Bomba la Maji kutoka mtambo wa uzalishaji wa Ruvu Chini ukiendelea katika eneo la Wazo Tegeta .

Matengenezo ya Bomba hili ndiyo yaliyopelekea kuzimwa kwa mtamb wa uzalishaji maji wa Ruvu Chini ambapo kwa muda wa saa 48 huduma ya maji itakosekana katika jiji la Dar Es Salaam na Bgamoyo.

Afisa Mtendaji mkuu wa DAWASCO Mhandisi Cyprian

Luhemeja a-kizungumza juu ya matengemezo hayo alipotembelea katika eneo hilo kujionea shughuli zinavyoendelea.

SERIKALI IMNEJIKITA KUTOA ELIMU YA UZALISHAJI NA MATUMIZI ENDELEVU YA RASLIMALI.

  Mkurugenzi Msaidizi Idara ya Mipango Miji kutoka Wizara ya Ardhi,|Nyumba na Maendeleo ya Makazi George Pangawe akizungumza na Waandishi wa Habari (Hawapo Pichani) kuhusu wananchi kuzingatia sheria na kanuni za mipango miji nchini pale wanapotaka kuendeleza ardhi kushoto ni Mkuu wa Kitengo cha Elimu ya Mazingira kutoka Baraza la Taifa la Mazingira Carlos Mbuta na kulia ni Mkuu wa Idara ya Mipango Miji, Ardhi na Mazingira Manispaa ya Kinondoni Bi. Juliana Letara

  Mkuu wa Kitengo cha Elimu ya Mazingira kutoka Baraza la Taifa la Mazingira Carlos Mbuta akizungumza na Waandishi wa Habari (Hawapo Pichani) kuhusu elimu ya uzalishaji na matumizi endelevu ya rasilimali ili waweze kunufaika na rasilimali hizi ambapo elimu hiyo imeingizwa katika mitaala ya elimu hapa nchini kulia ni Msaidizi Idara ya Mipango Miji kutoka Wizara ya Ardhi,|Nyumba na Maendeleo ya Makazi George Pangawe.

RAIS WA JAMHURII YA MUUNGANO WA TANZANIA AKIWA AMEVALIA SARE ZA KIJESHI AKIWASALIMIA WANANCHI WA MKOA WA ARUSHA.

Amiri Jeshi Mkuu,Rais Dkt Magufuli akiwasikiliza wananchi kwa makini alipopita maeneno ya Sanawali kuwasalimia wakati akielekea Wilayani Monduli.

WAZIRI MKUU KASSIM MAJALIWA AMESEMA KUWA WANANCHI WANAANGALIA OFISI YA RAIS TAWALA ZA MIKOA NA SERIKALI ZA MITAA (TAMISEMI) MAANA NDIYO KITOVU CHA NCHI.

WAZIRI MKUU Kassim Majaliwa amesema Ofisi ya Rais Tawala za Mikoa na Serikali za Mitaa (TAMISEMI) ndiyo kitovu cha nchi na kwamba kila Mtanzania ameelekeza jicho lake pale kwa sababu anasubiri kupata huduma ya msingi.

“Hapa ndiyo kitovu cha nchi na Watanzania wote macho yao yako huku. Kwa nini? Kwa sababu huduma zinasowagusa za barabara, maji, elimu, zinatokea huku kwa maana ya bajeti na usimamizi,” alisema.

Ametoa kauli hiyo leo (Alhamisi, Januari 21, 2016) wakati akizungumza na wakurugenzi, wakuu wa taasisi na watumishi wa Ofisi ya Rais – TAMISEMI kwenye mkutano uliofanyika ofisi ya TAMISEMI mjini Dodoma.

RAIS WA JAMHURI YA MUUNGANO WA TANZANIA AMEWASILI MKOANI ARUSHA NA TAREHE 23 ATATUNUKU KAMISHENI KWA MAAFISA WANAFUNZI WA KUNDI LA 57/15.

JAMHURI YA MUUNGANO WA TANZANIA

KURUGENZI YA MAWASILIANO YA RAIS IKULU

Simu: 255-22-2114512, 2116898  E-mail: press@ikulu.go.tz Tovuti : www.ikulu.go.tz               Faksi: 255-22-2113425

OFISI YA RAIS,        IKULU,  1 BARABARA YA BARACK OBAMA,   11400 DAR ES SALAAM. Tanzania.

Rais wa Jamhuri ya Muungano wa Tanzania Dkt. John Pombe Magufuli leo tarehe 21 Januari, 2016 amewasili Mkoani Arusha ambapo keshokutwa tarehe 23 Januari, 2016 atatunuku kamisheni kwa maafisa wanafunzi wa kundi la 57/15 katika chuo cha mafunzo ya kijeshi (TMA) Monduli mkoani hapa.

Rais Magufuli amewasili Mjini Arusha akitokea Uwanja wa ndege wa Kimataifa wa Kilimanjaro (KIA) alikotua kwa ndege akitokea jijini Dar es salaam na kupokelewa na mamia ya wananchi.

Akiwa uwanjani hapo Rais Magufuli amewashukuru wananchi kwa mapokezi makubwa aliyoyapata na amewaeleza kuwa uchaguzi umekwisha, kilichobaki ni kazi tu."Nawashukuru sana ndugu wananchi kwa mapokezi haya makubwa, naomba kuwahakikishia kuwa uchaguzi umekwisha na sasa kilichobaki ni kuchapa kazi tu" Alisema Rais Magufuli.

Akiwa njiani kutoka uwanja wa ndege wa KIA, Rais Magufuli amesimamishwa na wananchi wa njiapanda ya KIA, Kikatiti, Usa River, Tengeru na Mount Meru Mjini Arusha ambapo huko kote pamoja na kusisitiza kuwa uchaguzi umekwisha na kilichobaki ni kuchapa kazi, amewahakikishia kuwa hatawaangusha.

Dkt. Magufuli ametoa wito kwa watanzania kumuombea ili aendelee kuwashughulikia wote wanaofanya ubadhilifu wa fedha za umma kupitia kampeni yake ya kutumbua majipu.

"Nataka niwahakikishieni kuwa nitaendelea kutumbua majipu yote mpaka yaishe, na naomba mniombee ili kazi hii ya kutumbua majipu ifanyike kwa mafanikio" Alisisitiza Mheshimiwa Magufuli.

Aidha Rais Magufuli amesema tayari serikali imeanza kutoa fedha kwa ajili ya kugharamia elimu ya Msingi na Sekondari baada ya kufuta ada na akaonya kuwa watumishi wa umma hususani wakuu wa shule watakaothubutu kufanya ubadhilifu wa fedha hizo watashughulikiwa.

Amesema yote aliyoyaahidi kwa wananchi wa Mkoa wa Arusha na watanzania kwa ujumla ikiwemo ujenzi wa barabara za Arusha, kulipa fidia za wananchi na kufuta ada ya shule za msingi na sekondari yanatekelezwa.

Rais Magufuli amesisitiza kuwa serikali yake haitawabagua watanzania kwa dini zao wala makabila yao na wala haitawabagua kwa milengo ya vyama vyao na kanda zao na kuwataka watanzania wote  kuiweka mbele Tanzania na kushirikiana kuiendeleza.

Gerson Msigwa.

Kaimu Mkurugenzi wa Mawasiliano, IKULU

Arusha.

21 Januari, 2016

                                                        

MAMLAKA YA USIMAMIZI NA UDHIBITI WA SEKTA YA HIFADHI YA JAMII (SSRA) IMEANZA KUTUMIA MFUMO MPYA WA KIELEKTRONIKI KAMA UTARATIBU MPYA WA KUPOKEA NA KUSHUGHULIKIA MALALAMIKO YA WANACHAMA WAKE NA WANANCHI KWA UJUMLA.

Mkurugenzi wa Tafiti,Tathmini na Sera wa Mamalaka ya Usimamizi na Udhibiti wa Sekta ya Hifadhi ya Jamii Bw. Ansgar Mushi akitoa wito kwa wanachama wa Mifuko ya hifadhi za jamii kote nchini kutohama mfuko wanaokuwa wanachangia mara wanapohama kutoka Taasisi moja kwenda nyingine.

Afisa Tehama toka Mamalaka ya Usimamizi na Udhibiti wa Sekta ya Hifadhi ya Jamii Bw. Ernest Masaka akiwaeleza waandishi wa habari kuhusu utaratibu wa mamalaka hiyo kupokea malalamiko kutoka kwa wateja wa mifuko ya hifadhi za jamii kwa njia ya mtandao wa simu kupitia namba 0762440706 ambapo mamlaka hiyo imepanua wigo wa kushughulikia matatizo ya wanachama kwa wakati muafaka mara yanapowasilishwa.kulia ni Afisa Uhusiano wa Mamlaka hiyo Bi. Agnes Lubuva na Kushoto ni Mkurugenzi wa Tafiti,Tathmini na Sera wa Mamalaka ya Usimamizi na Udhibiti wa Sekta ya Hifadhi ya Jamii Bw. Ansgar Mushi

Na Anaseli Stanley,
Mamlaka ya usimamizi na udhibiti wa sekta ya hifadhi ya jamii (SSRA) imeanza kutumia mfumo mpya wa kielektroniki kama utaratibu mpya wa kupokea na kushughulikia malalamiko ya wanachama wake  na wananchi kwa ujumla.

Akiongea na waandishi wa habari jijini dar es salaam afisa wa Tehama mamlaka ya usimamizi na udhibiti wa sekta ya  hifadhi ya jamii Bw. Ernest Masaka amesema Utaratibu huo ni rahisi kutumia, Pia inaokoa muda na nauli pamoja na kuboresha kuboresha Huduma kwa wanachama pale walipo kwa kuongeza ufanisi ambapo amewataka wananchi na wanachama kwa ujumla kutumia mfumo huo.

Aidha Bw.Masaka amesema mfumo huo umeweka utaratibu kwa mlalamikaji pamoja na kutoa taarifa za malalamiko ya wanachama kwa vigezo vya aina ya malalamiko kwa idadi na hatua ya utekelezaji kama ilivyofanyika.

Uanzishwaji wa mfumo huo ni hatua zinazochukiliwa na mamlaka hiyo kwa lengo la kutetea maslahi ya wanachama Au Mwananchi yeyote kutoa malalamiko au maoni  kuhusu masuala ya sekta ya hifadhi ya jamii ikiwa ni njia ya kuboresha sekta hiyo.

HUDUMA ZA WAGONJWA WA NJE KUBORESHWA KATIKA HOSPITALI YA TAIFA YA MUHIMBILI.

Na Anaseli Stanley,

Hospital ya Taifa ya Muhimbili imeboresha huduma za afya kwa wagonjwa wa nje ili kusaidia wagonjwa kupata Huduma kwa wakati pamoja na kupunguza msongamano  katika  eneo moja ndani ya hospital hiyo.

Hayo yameelezwa jijini Dar es salaam Na Mkuu wa idara ya Huduma ya wagonjwa wa nje Dr. Raymond Mwenesano ambapo amesema kuwa wagonjwa watapata muda zaidi wa kutibiwa na kupata ushauri wa madaktali bingwa katika kliniki mbalimbali ambapo awali kliniki zilikuwa hazitoi Huduma kwa kiwango kisichoridhisha kutokana na kutokuwepo kwa muda wa kutosha.

SHIRIKA LA Majisafi na Majitaka Dar es salaam (DAWASCO), imetangaza kuwapo tatizo la upatikanaji wa huduma ya Maji katika maeneo yote yanayohudumiwa na mtambo wa Ruvu chini ya jiji la Dar es salaam, pamoja na baadhi ya maeneo  ya mji wa Bagamoyo mkoani Pwani kutokana na mtambo huo kuzimwa kwa wastani wa saa 48 kuanzia siku ya Jumamosi 23/01/2016 hadi Jumapili 24/01/2016.

SHIRIKA LA POSTA TANZANIA (TPC) LAAGIZA MAPATO YAKUSANYWE KWA NJIA YA YA ELEKTRONIKI.

Katibu Mkuu wa Wizara ya Ujenzi, Uchukuzi na Mawasiliano anayeshughulikia Mawasiliano Prof. Faustin Kamuzora alifanya ziara ya kutembelea Shirika la Posta Tanzania ili kufahamu utendaji kazi na utekelezaji wa majukumu ya Shirika.

BARAZA LA WAFANYAKAZI-NEC LAFUNGULIWA NA JAJI MSTAAFU DAMIAN LUBUVA.

MKUTANO WA BARAZA LA WAFANYAKAZI WA NEC LIMEFUNGULIWA NA MWENYEKITI WA TUME HIYO JAJI DAMIAN LUBUVA

 Mwenyekiti wa Tume ya Taifa ya Uchaguzi (NEC), Mhe. Jaji Mstaafu Damian Lubuva (kushoto) ambaye ni mgeni rasmi wa mkutano huo, akiongea na Wajumbe wa Baraza la Wafanyakazi wa NEC (hawapo pichani) leo katika Ukumbi wa Mwalimu Nyerere Jijini Dar es Salaam kuhusu masuala ya maadili na na ufanisi kazini.

Mkurugenzi wa Uchaguzi, Bwana Ramadhani Kailima akiongea na Wajumbe wa Baraza la Wafanyakazi wa NEC (hawapo pichani) leo katika Ukumbi wa Mwalimu Nyerere Jijini Dar es Salaam kuhusu masuala ya maadili na na ufanisi kazini kabla ya kumkaribisha Mgeni rasmi.

BALOZI SEIF ALI IDD AKUTANA NA RAIS MAGUFULI IKULU NA KUMDHIBITISHIA KUWA KUNA AMANI ZANZIBAR NA WANASUBIRI TAREHE YA UCHAGUZI ITANGAZWE RASMI.

Makamu wa Pili wa Serikali ya Mapinduzi Zanzibar Mheshimiwa Balozi Seif Ali Idd amemhakikishia Rais wa Jamhuri ya Muungano wa Tanzania Dkt. John Pombe Magufuli kuwa hali ya Zanzibar ni shwari na Wazanzibar wanasubiri kutangaziwa tarehe ya kufanyika kwa uchaguzi.

SALAMU ZA RAMBIRAMBI ZATOLEWA NA RAIS DKT MAGUFULI KWA MWENYEKITI WA CHAMA CHA MAPINDUZI KUFUATIA KIFO CHA MWENYEKITI WA UWT

GAZETI LA MAWIO LAFUNGUWA MOJA KWA MOJA NA SERIKALI.

 Waziri wa Habari, Utamaduni, Sanaa na Michezo, Mhe. Nape Nnauye (mwenye suti ya kijivu anayenyoosha mkono) akiwaeleza Waandishi wa Habari (hawapo pichani) juu ya Uamuzi wa Serikali wa kulifuta Gazeti la MAWIO katika Daftari la Msajili wa Magazeti mara alipokutana na waandishi hao 17 Januari 2016 katika Ukumbi wa Idara ya Habari uliopo jijini Dar es Salaam. Kushoto ni Mkurugenzi wa Idara ya Habari, Bw. Assah Mwambene, wa pili kulia ni Mkurugenzi Msaidizi anayeshughulikia usajili wa Magazeti, Bw. Raphael Hokororo na anayemfuatia ni Mwanasheria wa Wizara Bw. Patrick Kipangula

UJENZI WA SHULE NI JUKUMU LA WADAU MBALIMBALI KUSHIRIKI KATIKA KUKAMILISHA SUALA HILO.

Na Anaseli Stanley,

Mkuu wa wilaya ya kinondoni bw. Paul Makonda amewataka wadau na makampuni mbalimbali kuendelea kusaidia azimio la ujenzi wa shule saba katika wilaya hiyo kwa lengo la kusaidia watoto zaidi ya elfu 3 ambao wana uhitaji wa elimu ya sekondari.

Akizungumza na waandishi wa habari jijini dare s salaam wakati akipokea misaada hiyo Bw. Makonda amesema kuwa anawashukuru wadau hao na kuwataka wengine kujitokeza kusaidia kukamilisha kwa zoezi hilo la ujenzi

WAZIRI WA NISHATI NA MADINI, PROF. SOSPETER MUHONGO AMEIAIGIZA KAMPUNI YA UENDELEZAJI JOTOARDHI TANZANIA (TGDC LTD) KUWA IFIKAPO JUNE 2016, IWE IMEANZA KUCHORONGA MASHIMO 3 KATIKA ENEO LA ZIWA NGOZI.

WAZIRI wa Nishati na Madini, Prof. Sospeter Muhongo ameiaigiza  Kampuni ya Uendelezaji Jotoardhi  Tanzania (TGDC Ltd) kuwa ifikapo June 2016, iwe imeanza kuchoronga mashimo 3 katika eneo la Ziwa Ngozi ikiwa ni hatua ya mwisho inayohitajika kabla ya kuanza kujenga mitambo ya kuzalisha jotoardhi.

WATU WENYE ULEMAVU WA NGOZI WANATARAJIA KUFANYA UZINDUZI WA STIKA MAALUM JANUARI 26,

Na Nyakongo Manyama-MAELEZO

TAASISI ya  watu wenye ulemavu wa ngozi mkoa wa Dar es salaam inatarajia kufanya uzinduzi wa  ‘stika’ maalum yenye ujumbe wa kutokomeza mauaji ya watu wenye albinism utakaofanyika januari 26 mwaka huu.Akizungumza na waandishi wa habari leo jijini Dar es Salaam, Mkurugenzi wa taasisi hiyo Bw. Michael Lugendo amesema kuwa uzinduzi huo utafanyika katika kituo cha polisi kati jijini Dar es Salaam kuanzia saa tano asubuhi.

HUDUMA ZA TIBA ASILI NA TIBA MBADALA HAPA NCHINI ZIMEKUMBWA NA CHANGAMOTO MBALIMBALI IKIWEPO NA WATOA HUDUMA WASIOZINGATIA SHERIA, KANUNI NA MIONGOZO MBALIMBALI.

JAMHURI YA MUUNGANO WA TANZANIA

WIZARA YA AFYA, MAENDELEO YA JAMII, 
JINSIA, WAZEE NA WATOTO

MAELEZO YA WAZIRI KUHUSU TIBA ASILI NA TIBA MBADALA
 

Ndugu Wananchi, Katika nchi yoyote ile uhuru usio na mipaka ni jambo la hatari; lakini pia hakuna haki isiyo na wajibu. Vivyo hivyo, katika huduma za Tiba Asili na Tiba Mbadala hapa nchini kuna Sheria, Kanuni na Taratibu za Maadili zinazoweka masharti, uhuru na mipaka; pia haki na wajibu wa kila mdau. 

Huduma za tiba asili na tiba mbadala ni huduma zinazotambulika na Jamhuri yetu, watu wake na ina thamani kubwa. Aidha, ni huduma inayotambuliwa na sayansi ya tiba ya kisasa. Hata hivyo huduma hizo zimekumbwa na changamoto mbalimbali ikiwa ni pamoja na kuwepo kwa watoa huduma wasiozingatia Sheria, Kanuni na Miongozo mbalimbali. 

SERIKALI IMEWATAKA WAWEKEZAJI WA TANZANIA KUUNGANA NA WAWEKEZAJI WA KIMATAIFA KUINUA WIGO NA KUJENGA UZOEFU

Na, Anaseli Stanley.

Serikali imewataka wawekezaji wa Tanzania waungane na wawekezaji wa mataifa mbalimbali kwa lengo la kupata uzoefu na kufanya kazi nyingi za serikali hapa nchini ili makampuni ya Tanzania yawe na uwezo wa kutenda kazi kubwa na kuongeza kipato kwa taifa. 

Hayo yameelezwa mbele ya waandishi wa habari jijin dar es Salaam wakati akifungua mkutano wa wakandarasi wa japani na watanzania wazziri mkuu MH.Kasim Majaliwa amesema kuungana huku kutsaidia kubadilishana mawazo na kujadili namna mbalimbali za uendeshaji wa makampuni ya ndanina kuongeza ushindani na mataifa mengine.

MAHABUSU YA WATOTO JIJINI DAR ES SALAAM YAPEWA VITU MBALIMBALI NA MAHAKAMA KUU YA TANZANIA

 Afisa Mfawidhi wa Mahabusu ya Watoto ya jijini Dar es salaam Bw. Ramadhan Yahaya (kulia) akipakua msaada wa vyakula na vitu mbalimbali vilivyotolewa na Mahakama Kuu ya Tanzania leo jijini Dar es salaam. Anayeshuhudia kushoto ni Mkuu wa Kitengo cha Habari na Mawasiliano Mahakama Kuu ya Tanzania Bw. Nurdin Ndimbe

 Mkuu wa Kitengo cha Habari na Mawasiliano Mahakama Kuu ya Tanzania Bw.

WANAFUNZI WA ELIMU YA JUU WANAOSOMA KATIKA VYUO MBALIMBALI KWA MWAKA WA MASOMO 2015 NA 2016 WAKUMBUKWA NA BODI YA MIKOPO.

Na Jesca Mathew na Anaseli Stanley.

Bodi ya mikopo ya wanafunzi wa elimu ya juu imetoa jumla ya sh  bilioni 459 fedha za kitanzania  kwa wanafunzi wa elimu ya juu 122,486 wanaosoma katika vyuo mbalimbali ndani na nje ya nchi katika mwaka wa masomo 2015/2016.

Hayo yameelezwa na meneja wa habari, elimu na mawasiliano Omega Ngole amesema kuwa hiyo ni idadi kubwa ya wanafunzi walionufaika na mkopo huo tangu kuanzishwa kwa bodi mwezi julai 2005.

‘’Katika mwaka uliopita wa masomo 2014/2015 serikali kupitia bodi ilitoa jumla ya tsh bilioni 341 ziliwanufaisha wanafunzi 99,069 alisema’’.

WAZIRI MKUU KASSIM MAJALIWA AFIKA NA KUFARIJI FAMILIA YA BABA WA TAIFA KUFUATIA MSIBA WA MBUNGE WA ZAMANI CHADEMA LETICIA NYERERE NA PIA KUMTEMBELEA WAZIRI MKUU WA AWAMU YA TATU MHE.SUMAYE KATIKA HOSPITALI YA TAIFA MUHIMBILI.

 Waziri Mkuu, Kassim Majliwa akitia saini kitabu cha Maombolezo ya kifo cha Mbunge wa zamani,Leticia mageni Nyerere wakati alipokwenda kumhani mjane wa Baba wa taifa, Mama Maria Nyerere Msasani jijini Dar es salaam Januari 12, 2016. (Picha na ofisi ya Waziri Mkuu)

KWA MUJIBU WA KATIBU MKUU WA CHAMA CHA WANANCHI CUF MAALIM SEIF HAMAD AMESEMA KURUDIWA UCHAGUZI ZANZIBAR ITASABABISHA MACHAFUKO VISIWANI HUMO.

Aliyekuwa mgombea urais Zanzibar na Katibu Mkuu wa Chama cha Wananchi (CUF), Maalim Seif Sharif Hamad amesema kuwa kutokana na mgogoro wa kisiasa unaoendelea visiwani humo usipopatiwa ufumbuzi mara moja na kulazimisha kuwa uchaguzi huo urudiwe nidhahiri kuwa hatua hiyo inalazimisha kuwepo kwa hali ya machafuko visiwani humo.

TAARIFA YA SERIKALI KUHUSU ZOEZI LA KUHAMISHA WAKAZI WA MABONDENI KATIKA JIJI LA DAR ES SALAAM

Utangulizi

Nchi yetu ina kingo za mito na mabonde na maeneo mengi hatarishi ambamo watu wanaishi kinyume cha sheria, huku wakiharibu mazingira na kuhatarisha maisha yao.  Kutokana na uhaba wa makazi, hali ni mbaya zaidi katika mabonde ya Jiji la Dar es Salaam, hasa bonde la Mto Msimbazi.

ASKOFU MKUU WA JIMBO KUU LA KATOLIKI LA DAR ES SALAAM, MWADHAMA POLYCARP KARDINALI PENGO AMEPONGEZA WELEDI WA HUDUMA YA TASISI YA MOYO ILIYOPO KATIKA HOSPITALI YA TAIFA YA MUHIMBILI.

Askofu Mkuu wa Jimbo kuu la Dar es Salaam, Mwadhama Polycarp Kardinali Pengo akizungumza na waandishi wa habari jijini Dar es Salaam na kupongeza jopo la Madaktari waliomhudumia katika Hospitali ya Mhimbili.

TAARIFA KWA VYOMBO VYA HABARI KUHUSU VIKAO VYA TATHMINI NA UCHAMBUZI VYA CHAMA CHA DEMOKRASIA NA MAENDELEO (CHADEMA)

Katika utaratibu wake wa kujipanga na kuendelea kutekeleza mikakati ya malengo ya muda mfupi na muda mrefu kwa ajili ya kufikia lengo kuu la kushinda uchaguzi, kushika dola na kuongoza serikali kwa ajili ya kuwatumikia wananchi, Chama cha Demokrasia na Maendeleo (CHADEMA) kimekuwa na utamaduni wa kuwa na vikao vya kujitathmini na kufanya uchambuzi kila baada ya uchaguzi mkuu na kuweka mpango kazi unaopaswa kutekelezwa na chama kwa miaka mitano inayofuata.

PICHA RASMI YA RAIS WA JAMHURI YA MUUNGANO WA TANZANIA MH. DKT JOHN POMBE JOSEPH MAGUFULI INAPATIKANA IDARA HABARI MAELEZO KWA SHILINGI 15,000.

Kaimu Mkurugenzi Idara ya Habari Maelezo Bi Zamaradi Kawawa akionesha kwa  waandishi wa Habari  picha rasmi ya Rais wa Jamhuri ya Muungano wa Tanzania Mh. Dkt John Pombe Joseph Magufuli,kulia ni Mkurugenzi Msaidizi wa Idara ya Habari –MAELEZO  Bw. Raphael Hokororo.picha hiyo inauzwa sh. 15,000/- tu.

RAIS WA JAMHURI YA MUUNGANO WA TANZANIA DKT. JOHN POMBE MAGUFULI AMEKUTANA NA KUFANYA MAZUNGUMZO NA RAIS MSTAAFU WA AWAMU YA TATU MHESHIMIWA BENJAMIN WILLIAM MKAPA NA WAZIRI MKUU MSTAAFU JAJI JOSEPH SINDE WARIOBA IKULU JIJINI DAR ES SALAAM TAREHE 07 JANUARI, 2016.

 Rais wa Jamhuri ya Muungano wa Tanzania Dkt. John Pombe Magufuli akimpokea Rais Mstaafu wa Awamu ya tatu, Benjamini William Mkapa Ikulu jijini Dar es Salaam.