KWA MUJIBU WA KATIBU MKUU WA CHAMA CHA WANANCHI CUF MAALIM SEIF HAMAD AMESEMA KURUDIWA UCHAGUZI ZANZIBAR ITASABABISHA MACHAFUKO VISIWANI HUMO.

Aliyekuwa mgombea urais Zanzibar na Katibu Mkuu wa Chama cha Wananchi (CUF), Maalim Seif Sharif Hamad amesema kuwa kutokana na mgogoro wa kisiasa unaoendelea visiwani humo usipopatiwa ufumbuzi mara moja na kulazimisha kuwa uchaguzi huo urudiwe nidhahiri kuwa hatua hiyo inalazimisha kuwepo kwa hali ya machafuko visiwani humo.

Kauli ya Maalim Seif imekuja muda mfupi wakati akiongea na wahariri wa vyombo mbalimbali vya habari nchini kuwaeleza ni namna gani hali ya kisiasa visiwani humo ilivyo na mazungumzo waliokuwa wakizungumza walipofikia hadi hivi sasa.

Amesema hali ya kisiasa bado tete kwakuwa vikao 8 walivyo kaa hadi sasa vimekuwa vya matumaini bila maridhiano yakina na kufikia muafaka ambao umekuwa ukisubiriwa kwa hamu na wananchi pamoja watu mbali mbali viwani humo hali ambayo imekuwa ikizusha maswali yakuwa kwanini mazungumzo hayo hayakamiliki kwa wakati.

Kutokana na hatua hiyo sasa amemtaka rais wa Jamuhuri ya Muungano wa Tanzania Dr.John Pombe Magufuli kuongoza mazungumzo ya kutatua mgogoro wa kisiasa unaoendelea visiwani humo kwa kufuata misingi ya kikatiba na sheria baada ya mazungumzo yaliyokuwa yanaendelea kati yake na Dr Ali Mohamed Shein kwa kuwashirikisha marais wastaafu wa Zanzibar kutoonesha kuzaa matunda.

Hata hivyo katika mazungumzo ya Maalim Seif juu ya majadiliano hayo ya kutafuta muafaka amemshutumu Dr Ali Shein kwa kusema kuwa hakua na nia njema na mazungumzo hayo na hivyo amepoteza sifa ya kuongoza mazungumzo hayo,huku akisema anazo taarifa kuwa tume ya uchaguzi imepanga kukutana January ili kutangaza kurudiwa kwa uchaguzi huku wananchi wa Zanzibar wakiwa wako taaban na wamekumbwa na fadhaa baada ya kuona maamuzi yao yanakanyagwa bila muafaka.

Pia Maalim ameendelea kwenda mbali zaidi akisema kuwa kamwe tume haina mamlaka ya kutengua matokeo bali ina mamlaka ya kurudia kuhesabu kura hivyo jambo alilolifanya mwenyekiti wa tume Zanzibar Jecha Salim Jecha alienda kinyume cha katiba kwa kufanya maamuzi bila kushirikiana na tume.

Katiba inasema "kila uamuzi wa tume ni lazima uungwe mkono na wajumbe walio wengi". Anasema katiba imetumia neno 'Lazima' na mwenyekiti kwenda kinyume inafaa kuchukuliwa hatua,alisema Seif.

Ingawa mwenyekiti aliitisha kikao kuhalalisha maamuzi yake bado tume haikuwa na mamlaka ya kuhalalisha maamuzi ya kufuta uchaguzi uliokamilika na Tamko la mwenyekiti lilisema anafuta uchaguzi na matokeo yake yote hata hivyo tangazo rasmi lilisema anafuta matokeo ya uchaguzi.

Vifungu vya katiba vilivyonukuliwa, vimenukuliwa kwa ubabaishaji kuhalalisha uwezo wa tume kufututa matokeo kifungu cha 34 kimeweka utaratibu wa kufunga kituo ikitokea dosari,sheria imetoa fursa ya wazi kwa mwenye malalamiko na kwa mujibu wa sheria hakuna malalamiko yaliyowasilishwa mbele ya tume.

Tangu uchaguzi wa vyama vingi zianze zimekuwa zimekumbwa na kasoro ukiwemo wa mwaka 2000 uliolazimu vituo 16 kurejea uchaguzi Zanzibar, hivi kweli uchaguzi wa 2015 ulizidi kasoro za mwaka 2000.

Maalim amesema Tume haipaswi kupewa maagizo na chama chochote cha siasa au chombo chochote, ni dhahiri maamuzi ya mwenyekiti yalikuwa ya maagizo kama alivyowaeleza wenzake.

Athari za kufutwa kwa uchaguzi kumepelekea athari kadha za kikatiba, mgogoro mkubwa wa kikatiba na kisheria.

Imepelekea Zanzibar kuwa na mgogoro kwa Rais aliyeko madarakani, washauri wametumia tafsiri isiyo sahihi ya kikatiba hadi Rais mpya atakapoapishwa.

Mpaka wa kifungu kinachorusu mpaka Rais ajae atakapoapishwa ni kuwa muda wa Rais ni miaka mitano pekee na katiba haijaruhusu muda wa miaka mitano uongezwe kiholela ila kwa masharti mazito ikiwemo vita na Rais akaona ni muhimu kusitisha uchaguzi basi ataitisha baraza la wawakilishi na linaweza kumuongezea muda usiozidi miezi sita.

Tafsiri isiyokuwa sahihi ina athari zifuatazo

    Haujawekwa muda maalum na katiba imeweka muda maalum kwa chaguzi zinazofutwa kisheria, kwa maana hiyo hakuna ukomo mpaka uchaguzi utapoitishwa tena.

    Tafsiri hio haimpi fursa ya Rais kumuwajibisha mtu alienda kinyume cha katiba kwa sababu imemnufaisha Rais. Tafsiri sahihi ni lazima Rais ashike madaraka ya Urais na aachie nafasi hio baada ya miaka mitano isipokuwa kwa dharura zilizopo kisheria.

Mgogoro wa kutokuwa na Rais halali tangu tarehe 3 November 2015 na ameendelea kufanya maamuzi makubwa ikiwemo ya uteuzi.

Hata hivyo inasikitisha kuona mimi nikikubali kuwa kimya kipindi chote, inasikitisha kuona viongozi wa upande mwingine wakiongea na kuwachanganya watu.

Magufuli pamoja na juhudi zote hakuacha kufitinishwa kwa Balozi Seif Ali Iddi kusema eti Magufuli kasema turudi Zanzibar kukamilisha taratibu za kurudia uchaguzi ilhali mimi hakuniambia.

Hadi jana ukiangalia tovuti ya uchaguzi Zanzibar hadi jana inasema uchaguzi ulifanyika kwa amani nchi nzima.

Aidha ameongeza kwa kusema kuwa Zanzibar imepita siasa za dhoruba na machafuko kwa miaka 50 ndio maana yeye kwa mwaka 2009 sambamba na na Rais mstaafu Karume walifikia maridhiano.

Wakati wa maswali kwa waandishi wa habari moja ya Swali aliloulizwa na kutakiwa kulitolea ufafanuzi ni juu ya kuwa zipo taarifa kuwa yeye sio Mzanzibari ambapo alisema kuwa “chaguzi tano nagombea urais na hakuna mtu hata mmoja anaweka pingamizi, hata kumjibu ni kinyaa. Eti Zanzibar vyama vya upinzani viruhusiwe kugombea nafasi zote kasoro Urais, wanaogopa nini? Wote ni watanzania na wanaogombea kupitia vyama hivyo ni watanzania.