DPP AFUATILIA KITILYA NA WENZAKE KATIKA MAHAKAMA YA RUFANI

Mkurugenzi wa mashtaka Tanzania DPP Biswalo Mganga amemfuata Kitilya na wenzake katika mahakama ya Rufani ambapo ameongoza jopo la mawakili watano kutoka Jamuhuri na kuiomba mahakama ya rufani kutengua uamuzi  uliotolewa na mahakama kuu na iamuru mahakama kuu kusikiliza rufani hiyo.

Rufaa hiyo imesikilizwa na mahakama ya rufani Tanzania  mbele ya majaji wa tatu  Salim Masati,Agustin Mwarinja  na Musa kipenga,ambapo wamesikiliza hoja za pande zote mbili pasipo kutoa maamuzi .

Upande wa Jamuhuri ukiongozwa na Mkurugenzi wa mashtaka DPP Biswalo  Mganga, wamezitaja sababu za kukata rufani kuwa ni, Jaji wa mahakama kuu,  alikosea kusema kuwa kufutwa kwa shtaka la 8 la utakatishaji fedha ,ni uamuzi mdogo, pili Jaji, alikosea kusema kwamba, upande wa mashtaka ulikuwa na nafasi ya kurekebisha mashtaka yao., lakini mahakama ya hakimu mkazi kisutu ilisha funga milango ya kufanya marekebisho .

Na kwasababu ya hoja hizo wameomba mahakama a rufaani kufuta uamuzi wa mahakama kuu, na kuiamuru mahakama kuu kusikiliza upya rufaa hiyo.

Aidha kwa upande wao mawakili wasomi upande wa utetezi,Majura magafu,dkt lingo Tenga na Alex Mgongolwa wamesema kuwa, rufaa hiyo, iliyokuwa Imekatwa na upande wa mashtaka, ilikua haija komaa,hivyo  wangesubiri hatua ya kusikilizwa ndipo wangekata rufani.

Wamesema kitendo cha upande wa mashtaka kusema walikuwa na haki ya kukata rufaa, wamesema kuwa, inaonyesha kuwa hoja hiyo ilikuwa na maombi ya  kufanya mabadiliko.

Baada ya hoja hizo  DPP amewaambia majaji kuwa mahakama kuu ilisema kuwa shauri  hilo lirudishwe Mahakama ya Hakimu Mkazi kisutu, na kisutu ikasema kuwa imefungwa mikono na mahakama kuu haijatoa maamuzi  hivyo inategemea Mahakam ya rufani itoe maamuzi.

Shitaka la nane la utakatishwaji fedha linalo wakabili  Hery Kitilya,Shose Sinare na Sioi Saimon liliondolewa na mahakama ya hakimu Mkazi kisutu, mbele ya Hakimu Mkazi mkuu  Amilius Mchauru, ambapo baada ya kuondelewa, waendesha mashtaka walilikatia rufaa, katika mahakama kuu na mahakama kuu kutolea maamuzi, kua rufaa hiyo haina miguu ya kusimamia hivyo kuwataka kurudi mahakama ya kisutu.

Kitilya na wenzake wamerudishwa rumande hadi mahakama ya rufani itakapotolea maamuzi rufani hiyo.

Kutoka katika mahakama ya Rufani jijiji Dar es Salaam Unique Maringo wapo radio FM.