KAMPUNI YA LETSHEGO TANZANIA LIMITED IKIJULIKANA KAMA FAIDIKA IMESHEHEREKEA MIAKA 10 YA UTOAJI WA HUDUMA ZA KIJAMII

 Afisa mtendaji mkuu wa FAIDIKA Bwana Mbuso Dlamini wakati akizungumza na waandishi wa habari hawapo pichani.

 Waandishi wa habari wakimsikiliza bwana Bwana Mbuso Dlamini katika maadhimisho ya miaka kumi ya taasisi hiyo

 mkurugenzi Dr Ellen Otaru Okoedion akitoa ufafanuzi wa maadhimisho ya miaka kumi ya taasisi hiyo ya Faidika kwa waandishi wa habari hawapo pichani.

Katikati ni mkurugenzi  mkurugenzi Dr Ellen Otaru Okoedion na afisa mtendaji mkuu Bwana Mbuso Dlamini  akielezea mwonekano mpya wa Rangi na logo ya taasisi hiyo ya faidika.

Na Anaseli Stanley

Kampuni ya letshego tanzania limited ikijulikana kama Faidika imesheherekea miaka 10 ya utoaji wa huduma za kijamii hapa nchini na kuzindua upya safari ya mabadiliko na msukumo wa ujumuishaji kwenye sekta ya kifedha kwa lengo la kuboresha maisha ya wananchi wa tanzania

Akizungumza kwenye hafla hiyo afisa mtendaji mkuu wa faidika Bw. Mbuso Dlamini amesema wataendelea kutoa ufumbuzi wa kifedha utakaoboresha maisha na kuhakikisha ufumbuzi huo unaleta maana kwa watanzania .

Aidha Bw.Dlamini amesema watashirikiana na serikali kuwajengea ujuzi wananchi na kuhamasisha mahusiano ya kimkakati kwa lengo la kumwinua mtanzania mwenye kipato cha chini pamoja na kutoa mafunzo ya ujasiria mali kwa wajasiriamali wadogo wadogo.

‘Ili kufanikisha lengo la ujumuishaji wa kifedha faidika imeanzisha ufumbuzi wenye  lengo la kuboresha maisha kupitia  upatikanaji wa mikopo ya kilimo ,elimu, afya na nyumba kwa watu wenye kipato cha chini, cha kati na wajasiriamali wadogo’, alisema Dlamini.

‘ Uzinduzi huu unakazia ahadi mpya ya Faidika isemayo Tuboreshe maisha’.aliongeza Dlamini.         

Faidika  imefanikiwa kuwafikia zaidi ya watanzania 45,000 nchi nzima ambapo wmenufaika katika maswala ya kifedha kutoka na huduma hizo kutolewa kwa urahisi, stahiki na kwa unafuu zaidi.

Letshego ni taasisi inayotoa huduma za kifedha ambayo imejitolea kuendeleza ujuzi na vipaji na ina zaidi ya vituo vya uwakilishi 268 kupitia mitandao yake inayohudumia zaidi ya wakopaji  laki tatu na wawekaji laki moja .