WASHTAKIWA 21 WAFUNGWA JELA MAISHA BURUNDI:

Image copyrightAFP

Image captionMaandamano yalianza Burundi Aprili mwaka jana

Mahakama ya rufaa nchini Burundi imewahukumu washtakiwa 21 vifungo vya maisha jela baada ya kuwapata na hatia ya kushiriki jaribio la mapinduzi mwaka jana.

Washtakiwa hao ni kati ya 28 waliokuwa wameshtakiwa kuhusiana na jaribio hilo la Mei mwaka jana ambalo halikufaulu.

Miongoni mwao ni watano ambao walikuwa wamepatikana bila hatia na mahakama ya kwanza.

Mahakama hiyo ya rufaa imeagiza wakamatwe.

NAIBU WAZIRI MAMBO YA NDANI YA NCHI MHANDISI MASAUNI AMPOKEA WAZIRI MKUU NA KUTEMBELEA KAMBI YA MWISA:

Naibu Waziri wa Wizara ya Mambo ya Ndani ya Nchi,Mhandisi Hamad Masauni(kushoto), akimkaribisha Waziri Mkuu wa Jamhuri ya Muungano wa Tanzania, Kassim Majaliwa alipotembelea Kambi ya Utenganisho ya Mwisa,iliyoko wilayani Misenyi,mkoani Kagera, kambi hiyo inahifadhi wakimbizi waliotengwa kutoka katika makambi ya wakimbizi kutoka nchini Burundi kwa sababu za kiusalama.

Waziri Mkuu wa Jamhuri ya Muungano wa Tanzania, Kassim Majaliwa(kushoto), akisalimiana na Mkurugenzi wa Idara ya wakimbizi,iliyoko chini ya Wizara ya Mambo ya Ndani ya Nchi, Harrison Mseke. Waziri Mkuu alitembelea Kambi ya Utenganisho ya Mwisa,iliyoko wilayani Misenyi,mkoani Kagera, kambi hiyo inahifadhi wakimbizi waliotengwa kutoka katika makambi ya wakimbizi kutoka nchini Burundi kwa sababu za kiusalama.